A finais do século XX e principios do XXI irrompeu na sociedade a chegada das Tecnoloxías da Información e a Comunicación (TIC). Estes revolucionarían as telecomunicacións e levarían consigo diversos conflitos que aínda seguen vixentes e poñen en cuestión a vella escola modernista. Entre estes problemas destacan a fenda tecnolóxica, a desigualdade no acceso á mesma e a necesidade de establecer políticas de inclusión nesta materia. Deste xeito, coa inclusión das TIC no ámbito escolar, xorden unha serie de interrogantes sobre a mellor forma de utilizalas como recurso didáctico e a detección e solución de barreiras e obstáculos que impidan o seu uso efectivo. O obxectivo deste traballo é describir de forma diferenciada as características actitudinais do profesorado de secundaria respecto ao acceso e uso das TIC nos procesos de ensino e aprendizaxe na cidade de Madrid, entre os educadores das xeracións Baby Boomers, Generation X e Millennials.